Wikipedia:Haubdsaid (Pälzisch)

Rhaaifränggisch

Siedpälzisch

Rhaaifränggischi Wikipedia uff Siedpälzisch

Sirrer dem 14. Dezember 2018 horri Rhaaifränggisch Wikipedia 2500 Ardiggl!

Wikipedia isch ä Enzeglobedie, wuma fraije Texde un anneres (gugg ääch mol unne uffde Newe-Brojegd) uff all die Dialegd naischdelle kann, wu zum Rhaaifränggische ghere dun: Pälzisch, Hessisch, Siedfränggisch un Lodringisch Do kinnen all mitmache, wu des babble dun orrer wu schunsch helfe kinnen.
Die Wikipedia hot im Nowember 2010 as Pälsisch Wikipedia aangefange un isch im Mai 2013 die Rhaifränggisch Wikipedia worre. Sirrer dem Auguschd 2013 hods finf Newe-Brojegd. Haid, am 6.06.2023, hods do 2.742 Ardiggl.

De Adigl vum Moned uff Pälzisch

Da Joseph Martin Kraus (Josef Maddin Kraus) (* 20. Juni 1756 in Mildeberg, † 15. Dezember 1792 in Stoggholm) is en klassischer Kombonischt gwest, wu aus-em Odewald waa un in Schwede gewirgt hot. Er waa en Verdreder vun da Månnemer Klassig. Ma sescht aa zu-m da „Odewälder Mozat“.

Soi Leewe

Da Joseph Martin Kraus is am 20. Juni 1756 in Mildeberg als Sohn vum kurmainzische Beamde Joseph Bernhard Kraus un da Anna Dorothea, geboarene Schmitt, uf di Welt kumme. Da Großvadder midderlischerseids, Johann Martin Schmitt, waa Senador vun da Schdadt Mildeberg un Käischebaumeischder, wu e paa Käische in da Umgewung gebaut hot. Aa des Gebortshaus vum Kraus am Majktblatz in Mildeberg schdammt vun-em. Da Kraus hot dreizäh Gschwisder ghatt. Siwwe davuu sin schun als Kinner gschdorwe. Ää Schwesder, di Marianne (1765 – 1838) is Molerin worre. Di erschde Johre hot di Familje in Amorbach gewuhnt, wu da Vadder Stadtschreiwer waa. 1761 is da Vadder kurmainzischer Amdskeller in Borke un ball druff in Buche worre. Di Kellerei un di Wuhnung in Buche ware im Trunzerhaus, wu heit noch schdeht. In Buche hot da Kraus Ladein, Klavier, Geig un Gsang gelernt. Schun im Alder vun siwwe bis acht Johr hod-er e außergewähnlische mussikalische Begawung ghat.
waidalese ...